البرشـــــــــــــــر

اول شي اسلم عليكم واعتذر عن الغياب الطويل
واحب اقول الى اخوي كينج اوف نابن بول اني ما نسيتك في الموضوع وهدا وعدي الك

وثاني شي حاب اتكلم عن مشكلة الجميع والي تهلك حتى ابطال العالم واتوقع ان معظمك شاف البطل قومز لمى غلط في الناين في الفاينل

ا

ماهو البرشر؟

البرشر هو الضغط النفسي الذي يجعل الاعب يفقد عدة مهارات لديه وهو بمعنى اصح ( الارتباك )

ما هي اسباب البرشر؟

ا1- معظم الاعبين المبتدأين يخافوا من الاسم قبل الاعب وهدا الي يخليه ما يحط في باله انه يفوز على واحد اقوى منه
2- تضييع الكورة السهلة
3- عدم القدرة على كنترول البوزشن
4- التركيز او التصويب الخاطئ
5- الاعتماد على الحظ


يمكن في اسباب كثيرة غير هدي بس انا ما يحضرني في الوقت الحاضر غيرها


بعض الطرق التي تخفف البرشر:

1- عدم الخوف من الخصم وحنى ان كان اقوى منك ولكن احذر منه
ا2- التركيز الكامل على الكور وحتى ان كانت الكورة سهلة او حتى ان كان سيف مضمون
3- التمرين المتواصل على كنترول البوزشن
4- التمرين المتواصل على التصويب ( واتوقع الكابتن نصر ما قصر وياكم من ناحية التصويب)
5- تعلم كيف تخلق الفرصة ( تعلم المنطق في البليارد )
6- عدم الاعتماد على الحظ من ناحية الاعب الاخر او من ناحيتك انت
7- عدم النظر الى الاعب الاستفزازي ( ولدينا الكثير من هدا النوع وبعضهم موجودين ويانا < واتوقع تعرف اقصد من> )


واتمنى انكم تفهمو ويش اقصد ويمكن بعضكم عنده شي يبي يضيفه اتمنى انه ما يبخل بالي عنده

والي عنده نصيحة للتخلص من البرشر اتمنى انه يفيدنا بها

تحياتي للجميع

ماقصرت يامطيلق ولاتحرمنا من هالدرر خاصه بهالموضوع لأنه بالفعل مشكله كبرى وكلنا نحاول نخفف من تأثيره علينا والمشكله اللي تقابل البرشر هي الثقه الزايده فالواحد يحاول يعادل بينهم بحيث انه تكون عنده ثقه وعدم خوف من اللاعب اللي قدامه وبنفس الوقت ماتكون بزياده حتى لايستهين بأي كره او لعبه وإنه يلعب اللعبه السليمه في الوقت المناسب وهذي تدخلنا بموضوع جديد اتمنى تفيدنا فيه برأيك مطيلق اللي هو التردد ويعطيك ألف عافيه عالنصايح اللي متأكد انها راح تفيدني وتفيد غيري


تحياتي

التردد

ابغاك بس تسال نفسك ادا كنت تتردد ليش تتردد؟

التردد ناتج عن البرشر هدا شي اكيد

وثاني شي ان اواحد يتردد اما ان تكون الكورة صعبة
او ان البوزشن صعب

في هدي الحالة انت او انا والمبتدا وبطل العالم
يتغلب عليها بالخبرة
انت مع مرور الوقت وانت في هالعبة راح تشوف ان مستواك يتحسن بدون ما تشعر
لانك مع العب الكثير راح تمر عليك حالات واجد وراح تفكر كيف تتخلص منها
ولمى تصير عندك الخبرة الكافية راح تشوف نفسك من تشوف العبة تعرف على طول ويش تسوي
زي ما تقول بالسليقة


وانصحك نصيحة انت وغيرك
انك لمى تحاول تسوي بوزشن الى كورة حاول تسويه اليها هي مو الى غيرها

وادا في شي ناقص مادري يمكن ما يحضرني الحين او ان هدا حد خبرتي

تحياتي

ماقصرت استاذ مطيلق ويعطيك ألف عافيه ومنكم نستفيد خاصه اخر معلومه احس اني باعيد النظر فيها واجد تسلم عالمعلومات اللي ماتطلع الا من لاعب خبره ويحب يفيد غيره


تحياتي

تسلم يا كبير يا حلو الله لا يحرمنا منك

ما قول الا يجيب الله مطر وينسينا لبرشر..
بصرآحه بصرآحه

كنت ابلع ريقي بصعووووبه لمآ تبدأ مباراتي ؛؛<< وهذا في بدآية مشآركآتي البسيطة..
بس الحمد لله بعد الاستمرار والمواصله في اللعب والتمارين نسيت الشي هذآ لأني صرت آكل علكه عشان ما يبين

مشكوووووووووور مطيلق بآآشآآآ على المعلومآت وسالفة لبرشر سآلفة ونحآول نخليهآ ممتعه عشان الجميع ينسآه خصووووووووووووووصا المبتدئين أمثالي

أخوك/ نذير ^_^