طـرق التــــصـــــــــــــــــــــــــــــــــــــــــــــــــــــــــــــــــــويـــــب

اللي يعرف اكثر من طريقة للتصويب يقول لي

بالنسبة لي اعرف من 5 الى 10 طرق.....

هل انت مستعد لمشاركة الجميع بطريقة تصويبك؟

...
....
.....
......

اللي يشارك يستاهل نشاركه......

تحياتي....

أبو حسين

الضربات فهناك اربع....
1- ضربة ال stop shot
2- ضربة التمشية Follow Shot
3- ضربة السحب Draw Shot
4- ضربة السايد Side Shot

بس أنت ماتقصد هذي الطربات وهذا توضيح اللا الي رد قبلي

وإذا أنت تقصد كيف أنا أنزل على الطاولة واللعب

فأنا باقولك بالي أنا أشوفه

طبعا في البداية أحدد الكرة الي أبي أوديها وفي أي باب
وبعدين أحطط أي ضربة الي راح أضربها من الضربات الأربع
علشان أعرف وين راح أوقف الكيو
ونزل على الطاولة
وباشر الضربة الصحيحة الكاملة
من ناحية الوقوف والتركيز والرفع بعد نهاية الضربة

وأتمنى أن إجابتي تكون صحيحة

وتسلم يابو حسين على الموضوع الشيق

ابو حسين طرق التصويب هي انك تتخيل كرة الشبح

او انك تقسم الكره الى اربعة افسام

او او انك تتخيل خط مستقيم من الكره الى البكت

او انك تتخيل ان البكت قريب من الكره

واتمنا اني وصلت الى الي تقصده يا ابو حسين

واعتقد ان سؤالك كان مبهم ويبيله توضيح اكثر

تحياتي

ابو موسى

تحية كبيرة ( ابـــــــــو موســـــــــــــــــــــــى)

المقصود بطرق التصويب هو طرق ( المعادل ) بلهجتنا... يعني كيف تعادل على الكورة اللي تبي تجيبها بطريقة معينة ومن اهمها :
1- الكرة الشبح : وهي انك تتخيل الوايت (الشبح)ملامس الكورة اللي تبي تجيبها وبعدين كل اللي عليك انك
ترسل سنتر الوايت الى سنتر (الشبح)
2- نقطة التلاقي : وهي ان تعرف نقطة التلاقي بين الكورة اللي تبي تجيبها والوايت وبعدين اللي عليك انك
توصل بينهم.
3- التصويب المتوازي
4- التصويب النسبي ( تقسم الكور الى اجزاء نسبية ) مثل نص كورة او ربع كورة او ثمن 1/8 كورة
5- طريقة استخدام النقاط الموجودة في الطاولة مع الطريقة النسبية
6- طريق البوكيت الشبح ( تتخيل ان الكورة اللي تبي تجيبها في حلق البوكيت حتى لو كانت بعيده عنه)
7- طريقة سام
8- طريقة هالي هول
9- طريقة 90/90
10- طريقة الحافة للنص والنص للحافة
11- طريقة دبل المسافة
12- طريقة استخدام التب
هذا اللي حضرني الحين....
بالنسبة لهذا الموضوع بعض اللاعبين الكبار المشاركين في هذا المنتدى يعرفوه بس اعتقد انهم يعتبروه جزء
من اسرارهم ولهذا ما حبوا يشاركوا.....
طبعاً معظمها وضحتها للشباب اللي اخذو دورات بسيطة عندي...على الطاولة لانها تكون اسهل للشرح...
...مع تحياتي للجميع....

هلا ابو موسى

سؤال حلو....

تعتبر طرق التصويب ادوات ( خلينا نقول مهارات) وومكن انك توظفها على حسب الحاجة...

تحياتي

ابو موسى.... اسألتك تخوف....

صحيح... معظم اللاعبين اللي مارسوا اللعبة بدون اساسيات يعتمدوا على الطبيعة.... يعني على التجربة
ممكن تصيب وممكن تخيب ويضيعوا وقت كبير لغاية ما يوصل للطريقة الصحيحةاو بالاحرى المقاربة للصحيحة

اتمنى لك وباقي رواد المنتدى الاستفادة...

تسلم أبوحسين على هذي المعلومات الي تنشرى بفلوس
وما شاء الله عليك يا أبوموسى

هذا مثال على 90/90 لعيون ابو موسى

مشكوووووووووووور يا استاذ نصر على الموضوووع الرائع والمفيد

اسمحو لي على التاخير يا شباب

انا يا استاذ نصر عندي طريقة وحدة اركز فيها غيرها ما عندي

اني اركز في الموضع الصحيح في الحصاية ( وين بالظبط اضرب الحصاية عشان تروح)
واحاول اني اخلي الكيو والوايت على مسار الموضع الي اضربه عشان تروح الحصاية

وبغض النظر عن السايد او غيره اني اركز بالظبط في المكان الي الي تروح فيه الحصاية

تحياتي

وهذا مثال للتصويب المتوازي

كابتن مطيلق....

يمكن اللي تقوله صحيح في حالة ان الشطفة تأخذ زاوية 45 درجة او اقل.... لان الزاوية اذا زادت عن 45 درجة ما راح تشوف المكان اللي بتضرب فيه الكورة الهدف....

مع احترامي الى وجهة نظرك يا استاد نصر

انا اشوف المكان الي بشطفه بس انا صراحة ما ادري ويش تقصد انت بالظبط


وكل واحد واليه اسلوبه الخاص فيه في العب

ويمكن حتى الاعب نفسه ما يدري كيف يلعبها بس يعرف ان العبة كدا


خلاص هو تعود كيف يلعبها حفظ الطاولة وابعادها وناس لا

توصل الى مستوى معين وتوقف

تحياتي الى الجميع وخاصة الى الكابتن والاستاذ نصر

مطيلق كتب:

ويمكن حتى الاعب نفسه ما يدري كيف يلعبها بس يعرف ان العبة كدا


خلاص هو تعود كيف يلعبها حفظ الطاولة وابعادها وناس لا

ذكرتني بزميل في الدراسة ... كان ياخذ علينا الاول في مواد الفيزيا والرياضيات وكانت علاماته دائماً 100/100
واذا سئلناه كيف حل مسألة معينة وحلها طويل ويحتاج الى صفحة ونص يقول لينا ( هي كدا )
يا اخي طيب ما في قوانين؟... ما في طرق..؟ واتضح بعدين انه شاري الاسألة من المدرسين المصريين وحافظنهم حفظ

في هالحالة .... المسألة عندك مسألة حفظ... طيب واللي ذاكرته ضعيفة او ما عنده وقت يلعب ساعات كل يوم ويش يسوي؟

( المسألة عندك مسألة حفظ... طيب واللي ذاكرته ضعيفة او ما عنده وقت يلعب ساعات كل يوم ويش يسوي؟)

انا بعد عندي سوال

وشو يعني خبرة؟

مو الخبرة هي انك تكون فاهم كيف ترتب حصاك وكيف تركز وكيف تلعب الحصاية عشان تروح

انا معظم الاحيان اضرب الكورة وحتى لو كانت بعيدة بدون ما اطالع على الكورة لاني من كثرة العب عرفت ابعاد الطاولة وعرفت كيف اضرب الكورة عشان تروح

بس لا تسالني كيف لان انا نفسي ما ادري صراحة

ههههههههههههههههههههههههههههههههههه


بحكم المعلومات الي عندك يا كابتن نصر يمكن تقدر تعرف ويش الي يصير وياي

ويمكن تقدر تعرف اي لاعب انت كبيرنا في القطيف يا كابتن الكاباتن

تحياتي

وهذا مثال ثاني للتصويب المتوازي

وهذا مثال على ان البوكت قريب من الكورة ( البوكيت الشبح او الخيالي )

تسلمووووووووووو أبو حسين على المعلومات والجهد المبذول ونتظر جديدك يا كابتن

يسلمووووووووا أبو حسين على المعلومآت ..بس شكلي قرأتهآ على الصبح ومخي مقفل وبالغصب فهمت وش تقصد..

بس اسمح لي يآكبتن ..لي عودهـ على الموضوع هذآ لأن وجهة نظري في التصويب بسيطة وبطلب منك الشرح

على كلآمي ..لأني اشوف كلآم أخونآ مطيلق فيه شوي من الأحقيه ويمكن يكون الطريقة رقم 13

واذا صح التعبير رآح نسميهآ :
13- التصويب بطريقة ( هيّآآآآآآ كذآآآآآآ )

تحيآتي / نذير[b]

نصر كتب:

هذا مثال على 90/90 لعيون ابو موسى

االصور غير ظاهرة رجاء اريد حلا